A huge collection of 3400+ free website templates JAR theme com WP themes and more at the biggest community-driven free web design site
Give your website a premium touchup with these free WordPress themes using responsive design, seo friendly designs www.bigtheme.net/wordpress
Эхлэл / Эрүүл мэндийн байгууллагууд

Эрүүл мэндийн байгууллагууд

Түүхэн товчоон

        Архангай аймгийн Жаргалант сумын эмнэлэг нь анх 1941 онд 1 сувилагч, 1 туслах ажилтантайгаар байгуулагдсан. Энэхүү анхны эмнэлэгт Э.Шагж сувилагчаар ажиллаж эрүүл мэндийн тусламж үйлчилгээг үзүүлж байжээ. Одоогийн бадлаар үйлчлэх нутаг дэвсгэрийн хүрээ 5 багийн 4454 хүн амд нийгмийн эрүүл мэндийн болон эмнэлгийн анхан шатны тусламж үйлчилгээг хөгжлийн тодорхой үе шатуудыг туулан үйл ажиллагаа нь өргөжиж ирсэн.

       Одоогоор тус эрүүл мэндийн төв нь 12 ортойгоор эрүүл мэндийн тусламж үйлчилгээг ард иргэдэд үзүүлж байна.

Эрүүл мэндийн төвийн  бүтэц, зохион байгуулалт

       Эрүүл мэндийн төв нь сумын эмнэлгийн статусын хүрээнд 4 их эмч, 14 сувилагч тусгай мэргэжилтэн, 7 туслах ажилтан, 4 гэрээт ажилтантайгаар дотор, хүүхэд, эх барих эмэгтэйчүүдийн анхан шатны тусламж үйлчилгээ болон нийгмийн эрүүл мэндийн тусламж үйлчилгээг үзүүлж байна. Тус эмнэлгийн үйл ажиллагаа нь багийн зохион байгуулалттай явагддаг ба баг тус бүр өөр өөрийн чиг үүрэгтэйгээр үйл ажиллагааг явуулан ажилладаг.

Баг удирдлагын бүтэц схемээр:

Эрүүл мэндийн төвийн үндсэн чиг үүрэг

         СЭМТ нь эрүүл мэндийн багц хуулийн хүрээнд, засгийн газрын үйл ажиллагааны хөтөлбөр, эрүүл мэндийн салбарын мастер төлөвлөгөө, аймгийн засаг даргын үйл ажиллагааны хөтөлбөр аймгийн эрүүл мэндийн салбарыг хөгжүүлэх дунд болон урт хугацааны стратеги, сумын эрүүл мэндийн төвийн хөгжлийн стратеги төлөвлөгөөний хүрээнд үйл ажиллагаагаа явуулж байна.

Эрүүл мэндийн төвийн үндсэн чиг үүрэг:

  • Орон нутгийн нийгмийн эрүүл мэндийн болон эмнэлгийн анхан шатны тусламж үйлчилгээний зорилго зорилт чиг үүргээ тодорхойлж хэрэгжүүлэх
  • Төсвийн зарцуулалтыг зохих хууль, дүрэм журмын дагуу зарцуулах
  • Өвчнөөс урьдчилан сэргийлэх, өвчнийг эрт үед нь оношлох, эмчлэн эрүүлжүүлэх арга хэмжээг хэрэгжүүлэх
  • Орон нутгийн удирдлага, төрийн болон төрийн бус байгууллагууд, олон нийтийг эрүүл мэндийг дэмжих үйл ажиллагаанд татан оролцуулах
  • Байгууллагын хүний нөөцийн байдалд дүгнэлт хийн хүний нөөцийн хэрэгцээг тодорхойлох, тасралтгүй сургалтанд хамруулах.

Эрхлэгч эмч В. Отгонбаатар 99873422

%d bloggers like this: